{"id":1580,"date":"2015-01-27T11:13:25","date_gmt":"2015-01-27T09:13:25","guid":{"rendered":"http:\/\/www.le-sidh.org\/wicca\/?p=1580"},"modified":"2019-05-20T09:21:55","modified_gmt":"2019-05-20T07:21:55","slug":"le-miracle-de-theophile-de-rutebeuf","status":"publish","type":"post","link":"https:\/\/www.le-sidh.org\/wicca\/pratiques-rituelles-sorcieres\/invocations-charges\/le-miracle-de-theophile-de-rutebeuf\/","title":{"rendered":"Le Miracle de Th\u00e9ophile par Rutebeuf"},"content":{"rendered":"

L’une des sources de l’Appel Ancien, ou Chant de la Sorci\u00e8re ou Rune Sorci\u00e8re, \u00ab\u00a0Eko, eko, Azarak\u00a0\u00bb est cette pi\u00e8ce de th\u00e9\u00e2tre datant du XIII\u00e8me si\u00e8cle et \u00e9crite par Rutebeuf. J’ai centr\u00e9 et mis en gras le passage qui nous int\u00e9resse.<\/p>\n

Le Miracle de Th\u00e9ophile par Rutebeuf<\/a><\/p>\n

LE MIRACLE DE TH\u00c9OPHILE.<\/p>\n

NOMS DES PERSONNAGES.<\/strong><\/p>\n

NOSTRE-DAME.
\nLI EVESQUES.
\nTHEOPHILES.
\nSATHAN appel\u00e9 aussi LI DIABLES.
\nSALATINS, sorcier.
\nPINCEGUERRE, serviteur de l\u2019\u00c9v\u00eaque.
\nPIERRE et THOMAS, compagnons de Th\u00e9ophile.<\/p>\n

CI COMMENCE LE MIRACLE DE THEOPHILE.<\/strong><\/p>\n

THEOPHILES.<\/p>\n

Ahi! ahi! Diex, rois de gloire,
\nTant vous ai \u00e9u en memoire,
\nTout ai don\u00e9 et despendu,
\nEt tout ai aus povres tendu,
\nNe m’est remez vaillant un sac.
\nBien m’a dit li evesque: \u00abEschac,\u00bb
\nEt m’a rendu mat\u00e9 en l’angle;
\nSanz avoir m’a lessi\u00e9 tout sangle.
\nOr m’estuet-il morir de fain,
\nSe je n’envoi ma robe au pain.
\nEt ma mesnie, que fera?
\nNe sai se Diex les pestera.
\nDiex? o\u00efl? qu’en a-il \u00e0 fere?
\nEn autre lieu les covient trere,
\nOu il me fet l’oreille sorde,
\nQu’il n’a cure de ma falorde;
\nEt je li referai la moe.
\nHoniz soit qui de lui se loe!
\nN’est riens con por avoir ne face;
\nNe pris riens Dieu ne sa manace.
\nIrai me je noier ou pendre?
\nJe ne m’en puis pas \u00e0 Dieu prendre,
\nC’on ne puet \u00e0 lui avenir.
\nHa! qui or le porroit tenir
\nEt bien batre \u00e0 la retorn\u00e9e
\nMoult auroit fet bone journ\u00e9e;
\nM\u00e8s il s’est en si haut leu mis,
\nPor eschiver ses anemis,
\nC’on n’i puet trere ne lancier.
\nSe or pooie \u00e0 lui tancier
\nEt combattre et escremir,
\nLa char li feroie fremir.
\nOr est l\u00e0 sus en son solaz;
\nLaz! chetis! et je sui \u00e8s laz
\nDe Povret\u00e9 et de Soufrete.
\nOr est bien ma viele frete,
\nOr dira l’en que je rasote:
\nDe ce sera m\u00e8s la riote.
\nJe n’oserai nului veoir,
\nEntre gent ne devrai seoir;
\nQue l’en m’i mousterroit au doi.
\nOr ne sai-je que fere doi.
\nOr m’a bien Diex servi de guile.<\/p>\n

(Ici vient Theophiles \u00e0 Salatin, qui parloit au deable quant il voloit.)<\/p>\n

[SALATINS.]<\/p>\n

Qu’est-ce ? Qu’avez-vous, Theophile ?
\nPor le grant D\u00e9 ! quel mautalent
\nVous a fet estre si dolent ?
\nVous soliiez si joiant estre.<\/p>\n

TH\u00c9OPHILE parole.<\/p>\n

C’on m’apeloit seignor et mestre
\nDe cest pa\u00efs, ce sez-tu bien;
\nOr ne me lesse-on nule rien.
\nS’en sui plus dolenz, Salatin,
\nQuar en fran\u00e7ois ne en latin
\nNe finai onques de proier
\nCelui c’or me veut asproier,
\nEt qui me fet lessier si monde
\nQu’il ne m’est remez riens el monde.
\nOr n’est nule chose si fiere
\nNe de si diverse maniere
\nQue volenters ne la f\u00e9isse
\nPar tel qu’\u00e0 m’onor revenisse.
\nLi perdres m’est honte et domage.<\/p>\n

Ici parole SALATINS.<\/p>\n

Biau sire, vous dites que sages;
\nQuar qui a apris la richece
\nMolt i a dolor et destrece
\nQuant l’en chiet en autrui dangier
\nPor son boivre et por son mengier:
\nTrop i covient gros mos o\u00efr.<\/p>\n

THEOPHILES.<\/p>\n

C’est ce qui me fet esbahir.
\nSalatin, biaus tr\u00e8s douz amis,
\nQuant en autrui dangier sui mis,
\nPor pou que li cuers ne m’en crieve.<\/p>\n

SALATINS.<\/p>\n

Je sai or bien que moult vous grieve,
\nEt moult en estes entrepris
\nComme hom qui est de si grant pris;
\nMoult en estes mas et penssis.<\/p>\n

THEOPHILES.<\/p>\n

Salatin frere, or est ensis.
\nSe tu riens pooies savoir
\nPar qoi je p\u00e9usse ravoir
\nM’onor, ma baillie et ma grace,
\nIl n’est chose que je n’en face.<\/p>\n

SALATINS<\/p>\n

Voudriiez-vous Dieu renoier,
\nCelui que tant solez proier,
\nToz ses sainz et toutes ses saintes?
\nEt si devenissiez, mains jointes,
\nHom \u00e0 celui qui ce feroit
\nQui vostre honor vous renderoit:
\nEt plus honorez seriiez,
\nS’\u00e0 lui servir demoriiez,
\nC’onques jor ne p\u00e9ustes estre?
\nCreez-moi, lessiez vostre mestre:
\nQu’en avez-vous entalent\u00e9?<\/p>\n

THEOPHILES.<\/p>\n

J’en ai trop bone volont\u00e9:
\nTout ton plesir ferai briefment.<\/p>\n

SALATINS.<\/p>\n

Alez-vous-en s\u00e9urement.
\nMaugrez qu’il en puissent avoir,
\nVous ferai vostre honor ravoir.
\nRevenez demain au matin.<\/p>\n

THEOPHILES.<\/p>\n

Volentiers, frere Salatin.
\nCil Diex que tu croiz et aeures
\nTe gart, s’en ce propos demeure!<\/p>\n

(Or se depart Theophiles de Salatin, et si pensse que trop a grant chose en Dieu renoier, et dist:)<\/p>\n

THEOPHILES.<\/p>\n

Ha, laz! que porrai devenir?
\nBien me doit li cors dessenir
\nQuant il m’estuet \u00e0 ce venir.
\nQue ferai, las!
\nSe je reni saint Nicholas
\nEt saint Jehan et saint Thomas
\nEt Nostre-Dame,
\nQue fera ma chetive d’ame?
\nEle sera arse en la flame
\nD’enfer le noir.
\nL\u00e0 la covendra remanoir:
\nCi aura trop hideus manoir,
\nCe n’est pas fable.
\nEn cele flambe pardurable
\nN’i a nule gent amiable;
\nAin\u00e7ois son mal, qu’il sont deable:
\nC’est lor nature;
\nEt lor mesons r’est si obscure
\nC’on n’i verra j\u00e0 soleil luire,
\nAins est uns puis toz plains d’ordure.
\nL\u00e0 irai-gi\u00e9.
\nBien me seront li d\u00e9 changi\u00e9,
\nQuant por ce que j’aurai mengi\u00e9,
\nM’aura Diex issi estrangi\u00e9
\nDe sa meson,
\nEt ci aura bone reson.
\nSi esbahiz ne fu m\u00e8s hom
\nCom je sui, voir.
\nOr dit qu’il me fera ravoir
\nEt ma richece et mon avoir,
\nJ\u00e0 nus n’en porra riens savoir:
\nJe le ferai.
\nDiex m’a grev\u00e9, je l’ greverai;
\nJam\u00e8s jor ne le servirai,
\nJe li ennui;
\nRiches serai, se povres sui;
\nSe il me het, je harrai lui:
\nPreingne ses erres,
\nOu il face movoir ses guerres.
\nTout a en main et ciel et terres:
\nJe li claim cuite,
\nSe Saladins tout ce m’acuite
\nQu’il m’a pramis.<\/p>\n

(Ici parole Salatins au Deable et dist:)<\/p>\n

Uns crestiens s’est sor moi mis,
\nEt je m’en sui moult entremis;
\nQuar tu n’es pas mes anemis,
\nOs-tu, Sathanz?
\nDemain vendra, se tu l’atans;
\nJe li ai promis .iiij. tans:
\nAten-le don;
\nQu’il a est\u00e9 moult grant preudon:
\nPor ce si a plus riche don.
\nMet-li ta richece \u00e0 bandon.
\nNe m’os-tu pas?
\nJe te ferai plus que le pas
\nVenir, je cuit;
\nEt si vendras encore anuit,
\nQuar ta demor\u00e9e me nuit;
\nG’i ai be\u00e9.<\/p>\n

(Ci conjure Salatins le deable.)<\/p>\n

Bagahi laca bachah\u00e9,<\/strong>
\n Lamac cahi achabah\u00e9,<\/strong>
\n Karrelyos.<\/strong>
\n Lamac lamec bachalyos,<\/strong>
\n Cabahagi sabalyos,<\/strong>
\n Baryolas.<\/strong>
\n Lagozatha cabyolas,<\/strong>
\n Samahac et famyolas,<\/strong>
\n Harrahya.<\/strong><\/p>\n

(Or vient li deables qui est conjur\u00e9, et dist:)<\/p>\n

Tu as bien dit ce qu’il i a.
\nCil qui t’aprist riens n’oublia.
\nMoult me travailles!<\/p>\n

SALATINS.<\/p>\n

Qu’il n’est pas droiz que tu me failles
\nNe que tu encontre moi ailles,
\nQuant je t’apel.
\nJe te faz bien suer ta pel.
\nVeus-tu o\u00efr .i. geu novel?
\n.J. clerc avons.
\nDe tel gaing com nous savons
\nSouventes foiz nous en grevons
\nPor nostre afere.
\nQue loez-vous du clerc \u00e0 fere
\nQui se voudra j\u00e0 vers \u00e7\u00e0 trere?<\/p>\n

LI DEABLES.<\/p>\n

Comment a non?<\/p>\n

SALATINS.<\/p>\n

Theophiles, par son droit non.
\nMoult a est\u00e9 de grant renon
\nEn ceste terre.<\/p>\n

LI DEABLES.<\/p>\n

J’ai toz jors \u00e9u \u00e0 lui guerre,
\nC’onques jor ne le poi conquerre.
\nPuis qu’il se veut \u00e0 nous offerre,
\nViengne en cel val,
\nSanz compaignie et sanz cheval;
\nN’i aura gueres de travail:
\nC’est pr\u00e8s de ci.
\nMoult aurai bien de lui merci,
\nSathan et li autre nerci;
\nM\u00e8s n’apiaut mie
\nJhesu, le fil sainte Marie:
\nNe li ferions point d’a\u00efe.
\nDe ci m’en vois.
\nOr soiez vers moi plus cortois,
\nNe ne traveillier m\u00e8s des mois
\n(Va, Salatin)
\nNe en hebrieu ne en latin.<\/p>\n

( Or revient Theophiles \u00e0 Salatin:)<\/p>\n

Or sui-je venuz trop matin?
\nAs tu riens fet?<\/p>\n

SALATINS.<\/p>\n

Je t’ai basti si bien ton plet,
\nQuanques tes sires t’a mesfet
\nT’amendera,
\nEt plus forment t’onorera
\nEt plus grant seignor te fera
\nC’onques ne fus.
\nTu n’es or pas si du refus
\nCom tu seras encor du plus.
\nNe t’esmaier;
\nVa l\u00e0 aval sanz delaier.
\nNe t’i covient pas Dieu proier
\nNe reclamer,
\nSe tu veus ta besoingne amer:
\nTu l’as trop trov\u00e9 \u00e0 amer,
\nQu’il t’a failli.
\nMauvesement as or sailli;
\nBien t’\u00e9ust ore mal bailli,
\nSe ne t’aidaisse.
\nVa-t’en, que il t’atendent; passe
\nGrant al\u00e9ure.
\nDe Dieu reclamer n’aies cure.<\/p>\n

THEOPHILES.<\/p>\n

Je m’en vois. Diex ne m’i puet nuire
\nNe riens aidier,
\nNe je ne puis \u00e0 lui plaidier.<\/p>\n

(Ici va Theophiles au deable, si a trop grant paor; et li deables li dist:)<\/p>\n

Venez avant, passez grant pas;
\nGardez que ne resamblez pas
\nVilain qui va \u00e0 offerande.
\nQue vous veut ne que vous demande
\nVostre sires? Il est moult fiers!<\/p>\n

THEOPHILES.<\/p>\n

Voire, sire. Il fu chanceliers,
\nSi me cuide chacier pain querre:
\nOr vous vieng proier et requerre
\nQue vous m’aidiez \u00e0 cest besoing.<\/p>\n

LI DEABLES.<\/p>\n

Requiers m’en-tu?<\/p>\n

THEOPHILES.<\/p>\n

O\u00efl.<\/p>\n

LI DEABLES.<\/p>\n

Or joing
\nTes mains, et si devien mes hom:
\nJe t’aiderai outre reson.<\/p>\n

THEOPHILES.<\/p>\n

Vez ci que je vous faz hommage;
\nM\u00e8s que je r’aie mon domage,
\nBiaus sire, d\u00e8s or en avant.<\/p>\n

LI DEABLES.<\/p>\n

Et je te refaz .i. couvant,
\nQue te ferai si grant seignor
\nC’on ne te vit onques greignor;
\nEt puis que ainsinques avient,
\nSaches de voir qu’il te covient
\nDe toi aie lettres pendanz,
\nBien dites et bien entendanz;
\nQuar maintes genz m’en ont sorpris
\nPor ce que lor lettres n’en pris:
\nPor ce les vueil avoir bien dites.<\/p>\n

THEOPHILES.<\/p>\n

Vez-les ci, je les ai escrites.<\/p>\n

(Or baille Theophiles les lettres au deable, et li deables li commande \u00e0 ouvrer ainsi:)<\/p>\n

Theophile, biaus douz amis,
\nPuis que tu t’es en mes mains mis,
\nJe te dirai que tu feras:
\nJam\u00e8s povre homme n’ameras;
\nSe povres hom sorpris te proie,
\nTorne l’oreille, va ta voie.
\nS’aucuns envers toi s’umelie,
\nRespon orgueil et felonie.
\nSe povres demande \u00e0 ta porte,
\nSi garde qu’aumosne n’en porte.
\nDou\u00e7or, humilitez, pitiez,
\nEt charitez et amistiez,
\nJeune fere, penitance
\nMe metent grant duel en la pance.
\nAumosne fere et Dieu proier,
\nCe me repuet trop anoier.
\nDieu amer et chastement vivre,
\nLors me samble serpent et guivre
\nMe menjue le cuer el ventre
\nQuant l’en en la meson-Dieu entre
\nPor regarder aucun malade,
\nLors ai le cuer si mort et fade
\nQu’il m’est avis que point n’en sente:
\nCil qui fet bien si me tormente.
\nVa-t’en, tu seras seneschaus.
\nLai les biens et si fai les maus.
\nNe juger j\u00e0 bien en ta vie,
\nQue tu feroies grant folie
\nEt si feroies contre moi.<\/p>\n

THEOPHILES.<\/p>\n

Je ferai ce que fere doi.
\nBien est droiz vostre plesir face,
\nPuis que j’en doi r’avoir ma grace.<\/p>\n

(Or envoie l’evesque querre Theophile.)<\/p>\n

Or tost! lieve sus, Pince-guerre,
\nSi me va Theophile querre;
\nSe li renderai sa baillie.
\nJ’avoie fet moult grant folie
\nQuant je tolue li avoie;
\nQue c’est li mieudres que je voie,
\nIce puis-je bien por voir dire.<\/p>\n

(Or respont Pince-guerre:)<\/p>\n

Vous dites voir, biaus tr\u00e8s douz sire.<\/p>\n

(Or parole Pince-guerre \u00e0 Theophile:)<\/p>\n

Qui est ceenz?<\/p>\n

(Et Theophiles respont:)<\/p>\n

Et vous qui estes?<\/p>\n

[PINCE-GUERRE.]<\/p>\n

Je sui uns clers.<\/p>\n

[THEOPHILES.]<\/p>\n

Et je sui prestres.<\/p>\n

[PINCE-GUERRE.]<\/p>\n

Theophile, biaus sire chiers,
\nOr ne soiez vers moi si fiers.
\nMes sires .i. pou vous demande:
\nSi r’aurez j\u00e0 vostre provande,
\nVostre baillie toute entiere.
\nSoiez liez, fetes bele chiere,
\nSi ferez et sens et savoir.<\/p>\n

THEOPHILES.<\/p>\n

Deable i puissent part avoir!
\nJ’\u00e9usse \u00e9ue l’eveschi\u00e9,
\nEt je l’i mis, si fis pechi\u00e9;
\nQuant il i fu, s’oi \u00e0 lui guerre,
\nSi me cuida chacier pain querre.
\nTripot lirot por sa ha\u00efne
\nEt por sa ten\u00e7on qui ne fine!
\nG’i irai, s’orrai qu’il dira.<\/p>\n

PINCE-GUERRE.<\/p>\n

Quant il vous verra, si rira
\nEt dira por vous essaier
\nLe fist. Or vous reveut paier,
\nEt serez ami com devant.<\/p>\n

THEOPHILES.<\/p>\n

Or disoient assez souvant
\nLi chanoine de moi granz fables:
\nJe les rent \u00e0 toz les deables.<\/p>\n

(Or se lieve l’evesque contre Theophile, et li rent sa dignit\u00e9, et dist:)<\/p>\n

Sire, bien puissiez-vous venir!<\/p>\n

THEOPHILES.<\/p>\n

Si sui-je, bien me soi tenir:
\nJe ne suis pas ch\u00e9us par voie.<\/p>\n

LI EVESQUES.<\/p>\n

Biaus sire, de ce que j’avoie
\nVers vous mespris je l’vous ament,
\nEt si vous rent moult bonement
\nVostre baillie: or la prenez;
\nQuar preudom estes et senez,
\nEt quanques j’ai si sera vostre.<\/p>\n

THEOPHILES.<\/p>\n

Ci a moult bone patre-nostre,
\nMieudre assez c’onques m\u00e8s ne dis.
\nD\u00e8s or m\u00e8s vendront .x. et .x.
\nLi vilain por moi aorer,
\nEt je les ferai laborer.
\nIl ne vaut rien, qui l’en ne doute.
\nCuident-il je n’i voie goute?
\nJe lor serai fel et irous.<\/p>\n

LI EVESQUES.<\/p>\n

Theophile, o\u00f9 entendez-vous?
\nBiaus amis, penssez de bien fere.
\nVez-vous ceenz vostre repere;
\nVez ci vostre ostel et le mien.
\nNoz richeces et nostre bien
\nSi seront d\u00e8s or m\u00e8s ensamble;
\nBon ami serons, ce me samble;
\nTout sera vostre, et tout ert mien.<\/p>\n

THEOPHILES.<\/p>\n

Par foi! sire, je le vueil bien.<\/p>\n

(Ici va Theophiles \u00e0 ses compaignons tencier, premierement \u00e0 .i. qui avoit non Pierres:)<\/p>\n

Pierres, veus-tu o\u00efr novele?
\nOr est torn\u00e9e ta rouele,
\nOr t’est-il ch\u00e9u ambes as:
\nOr te tien \u00e0 ce que tu as,
\nQu’\u00e0 ma baillie as-tu failli.
\nL’evesque m’en a fet bailli:
\nSi ne t’en sai ne gr\u00e9 ne graces.<\/p>\n

PIERRES respont.<\/p>\n

Theophile, sont-ce manaces?
\nD\u00e8s ier priai-je mon seignor
\nQue il vous rendist vostre honor,
\nEt bien estoit droiz et resons.<\/p>\n

THEOPHILES.<\/p>\n

Ci avoit dures faoisons
\nQuant vous m’aviiez forjugi\u00e9.
\nMaugr\u00e9 vostres, or le r’ai-gi\u00e9.
\nOubli\u00e9 aviiez le duel.<\/p>\n

PIERRES.<\/p>\n

Certes, biaus chiers sire, \u00e0 mon vuel,
\nFussiez-vous evesques e[sl]us
\nQuant nostre evesques fu f\u00e9us;
\nMais vous ne le vousistes estre,
\nTant doutiiez le Roy celestre!<\/p>\n

(Or tence Theophiles \u00e0 .i. autre:)<\/p>\n

Thomas! Thomas! or te chiet mal
\nQuant l’en me r’a fet seneschal.
\nOr leras-tu le regiber
\nEt le combatre et le riber.
\nN’auras pior voisin de moi.<\/p>\n

THOMAS.<\/p>\n

Theophile, foi que vous doi!
\nIl samble que vous soiez yvres.<\/p>\n

THEOPHILES.<\/p>\n

Or en serai demain delivres,
\nMaugrez en ait vostre visages.<\/p>\n

THOMAS.<\/p>\n

Par Dieu! vous n’estes pas bien sages:
\nJe vous aim tant et tant vous pris!<\/p>\n

THEOPHILES.<\/p>\n

Thomas! Thomas! ne sui pas pris:
\nEncor porrai nuire et aidier.<\/p>\n

THOMAS.<\/p>\n

Il samble vous volez plaidier.
\nTheophile, lessiez-me en pais.<\/p>\n

THEOPHILES.<\/p>\n

Thomas! Thomas! je que vous fais?
\nEncor vous plaindrez bien \u00e0 tens,
\nSi com je cuit et com je pens.<\/p>\n

(Ici se repent Theophiles, et vient \u00e0 une chapele de Nostre-Dame, et dist:)<\/p>\n

H\u00e9, laz! chetis! dolenz! que porrai devenir?
\nTerre, comment me pu\u00e8s porter ne soustenir
\nQuant j’ai Dieu renoi\u00e9 et celui voil tenir
\nA seignor et \u00e0 mestre qui toz maus fet venir?<\/p>\n

Or ai Dieu renoi\u00e9, ne puet estre t\u00e9u;
\nSi ai lessi\u00e9 le basme, pris me sui au s\u00e9u.
\nDe moi a pris la chartre et le brief rec\u00e9u
\nMaufez, se li rendrai de m’ame le tr\u00e9u.<\/p>\n

H\u00e9, Diex! que feras-tu de cest chetif dolent
\nDe qui l’ame en ira en enfer le boillant,
\nEt li maufez l’iront \u00e0 leur piez defoulant?
\nAhi! terre, quar oevre, si me va engloutant.<\/p>\n

Sire Diex, que fera cist dolenz esbahis
\nQui de Dieu et du monde est huez et ha\u00efs,
\nEt des maufez d’enfer engingniez et trahis?
\nDont sui-je de trestoz chaciez et enva\u00efs?<\/p>\n

H\u00e9 las! com j’ai est\u00e9 plains de grant non savoir
\nQuant j’ai Dieu renoi\u00e9 por .i. petit d’avoir!
\nLes richeces du monde que je voloie avoir
\nM’ont get\u00e9 en tel leu dont ne me puis r’avoir.<\/p>\n

Sathan, plus de .vij. anz ai tenu ton sentier;
\nMaus chans m’ont fe chanter li vin de mon chantier:
\nMoult felonesse rente m’en rendront mi rentier,
\nMa char charpenteront li felon charpentier.<\/p>\n

Ame doit l’en amer; m’ame n’ert pas am\u00e9e.
\nN’os demander la Dame qu’ele ne soit dampn\u00e9e.
\nTrop a male semence en semoisons sem\u00e9e
\nDe qui l’ame sera en enfer sorsem\u00e9e.<\/p>\n

Ha, las! com fol bailli et com fole baillie!
\nOr sui-je mal baillis et m’ame mal baillie!
\nS’or m’osoie baillier \u00e0 la douce baillie,
\nG’i seroie bailliez et m’ame j\u00e0 baillie.<\/p>\n

Ors sui, et ordoiez doit aler en ordure:
\nOrdement ai ouvr\u00e9, ce set cil qui or dure
\nEt qui toz jors durra: s’en aurai la mort dure.
\nMaufez, com m’avez mors de mauvese morsure!<\/p>\n

Or n’ai-je remanance ne en ciel ne en terre.
\nHa, las! o\u00f9 est li lieus qui me puisse soufferre?
\nEnfers ne me plest pas, o\u00f9 je me voil offerre;
\nParadis n’est pas miens, que j’ai au Seignor guerre.<\/p>\n

Je n’os Dieu reclamer ne ses sainz ne ses saintes,
\nLas! que j’ai fet hommage au deable, mains jointes;
\nLi maufez en a lettres de mon anel empraintes.
\nRichece, mar te vi: j’en aurai dolors maintes.<\/p>\n

Je n’os Dieu ne ses saintes ne ses sainz reclamer,
\nNe la tr\u00e8s douce Dame, que chascuns doit amer.
\nM\u00e8s por ce qu’en li n’a felonie n’amer,
\nSe je li cri merci nus ne m’en doit blasmer.<\/p>\n

(C’est la proiere que Theophiles dist devant Nostre-Dame:)<\/p>\n

Sainte ro\u00efne bele,
\nGlorieuse pucele,
\nDame de grace plaine,
\nPar qui toz biens revele,
\nQu’au besoing vous apele
\nDelivrez est de paine,
\nQu’\u00e0 vous son cuer amaine
\nOu pardurable raine
\nAura joie novele;
\nArousable fontaine
\nEt delitable et saine,
\nA ton filz me rapele.<\/p>\n

En vostre douz servise
\nFu j\u00e0 m’entente mise;
\nM\u00e8s trop tost fui temptez
\nPar celui qui atise
\nLe mal, et le bien brise.
\nSui trop fort enchantez;
\nCar me desenchantez,
\nQue vostre volentez
\nEst plaine de franchise,
\nOu de granz orfentez
\nSera mes cors rentez
\nDevant la fort justice.<\/p>\n

Dame sainte Marie,
\nMon corage varie;
\nAinsi que il te serve,
\nOu jam\u00e8s n’ert tarie
\nMa dolors ne garie,
\nAins sera m’ame serve,
\nCi aura dure verve
\nS’ainz que la mors n’enerve,
\nEn vous ne se marie
\nM’ame qui vous enterve.
\nSouffrez li cors deserve,
\nL’ame ne soit perie.<\/p>\n

Dame de charit\u00e9,
\nQui par humilit\u00e9
\nPortas nostre salu,
\nQui toz nous a get\u00e9
\nDe duel et de vilt\u00e9
\nEt d’enferne palu;
\nDame, je te salu.
\nTon salu m’a valu
\n(Je l’ sai de verit\u00e9),
\nGar qu’avoec Tentalu
\nEn enfer le jalu
\nNe praingne m’erit\u00e9.<\/p>\n

En enfer ert offerte
\nDont la porte est ouverte
\nM’ame par mon outrage:
\nCi aura dure perte
\nEt grant folie aperte
\nSe l\u00e0 praing herbregage.
\nDame, or te faz hommage:
\nTorne ton douz visage;
\nPor ma dure deserte,
\nEl non ton filz, le sage,
\nNe souffrir que mi gage
\nVoisent \u00e0 tel poverte.<\/p>\n

Si comme en la verriere
\nEntre et reva arriere
\nLi solaus que n’entame,
\nAinsinc fus virge entiere
\nQuant Diex, qui \u00e8s ciex iere,
\nFist de toi mere et dame.
\nHa! resplendissant jame,
\nTendre et piteuse fame,
\nCar entent ma proiere,
\nQue mon vil cors et m’ame
\nDe pardurable flame
\nRapelaisses arriere.<\/p>\n

Ro\u00efne debonaire,
\nLes iex du cuer m’esclaire
\nEt l’obscurt\u00e9 m’esface,
\nSi qu’\u00e0 toi puisse plaire
\nEt ta volent\u00e9 faire,
\nCar m’en done la grace;
\nTrop ai \u00e9u espace
\nD’estre en obscure trace.
\nEncor m’i cuident traire
\nLi serf de pute estrace;
\nDame, j\u00e0 toi ne place
\nQu’il facent tel contraire!<\/p>\n

En vilt\u00e9, en ordure,
\nEn vie trop obscure
\nAi est\u00e9 lonc termine;
\nRo\u00efne nete et pure,
\nQuar me pren en ta cure
\nEt si me medecine.
\nPar ta vertu devine,
\nQu’ad\u00e8s est enterine,
\nFai dedenz mon cuer luire
\nLa clart\u00e9 pure et fine,
\nEt les iex m’enlumine
\nQue ne m’en voi conduire.<\/p>\n

Li proieres qui proie
\nM’a j\u00e0 mis en sa proie:
\nPris serai et preez;
\nTrop asprement m’asproie.
\nDame, ton chier filz proie
\nQue soie despreez;
\nDame, car leur veez,
\nQui mes mesfez veez,
\nQue n’avoie \u00e0 leur voie.
\nVous qui lasus seez,
\nM’ame leur deveez,
\nQue nus d’aus ne la voie.<\/p>\n

(Ici parole Nostre-Dame \u00e0 Theophile, et dist:)<\/p>\n

Qui es-tu, va! qui vas par ci?<\/p>\n

[THEOPHILES.]<\/p>\n

Ha! Dame, aiez de moi merci!
\nC’est li chetis
\nTheophile, li entrepris
\nQue mauf\u00e9 ont loi\u00e9 et pris.
\nOr vieng proier
\nA vous, Dame, et merci crier,
\nQue ne gart l’eure qu’asproier
\nMe viengne cil
\nQui m’as mis \u00e0 si grant escil.
\nTu me tenis j\u00e0 por ton fil,
\nRo\u00efne bele.<\/p>\n

NOSTRE-DAME parole.<\/p>\n

Je n’ai cure de ta favele;
\nVa-t’en, is fors de ma chapele.<\/p>\n

THEOPHILES parole.<\/p>\n

Dame, je n’ose.
\nFlors d’aiglentier et lis et rose
\nEn qui li filz Dieu se repose,
\nQue ferai-gi\u00e9?
\nMalement me sent engagi\u00e9
\nEnvers le mauf\u00e9 enragi\u00e9.
\nNe sai que fere:
\nJam\u00e8s ne finirai de brere.
\nVirge pucele debonere,
\nDame honor\u00e9e,
\nBien sera m’ame devor\u00e9e,
\nQu’en enfer sera demor\u00e9e
\nAvoec Cahu.<\/p>\n

NOSTRE-DAME.<\/p>\n

Theophile, je t’ai s\u00e9u
\nL\u00e0 en arriere \u00e0 moi \u00e9u.
\nSaches de voir,
\nTa chartre te ferai r’avoir
\nQue tu baillas par non savoir:
\nJe la vois querre.<\/p>\n

(Ici va Nostre-Dame por la chartre Theophile:)<\/p>\n

Sathan! Sathan! es-tu en serre?
\nS’es or venuz en ceste terre
\nPor commencier \u00e0 mon clerc guerre,
\nMar le penssas.
\nRent la chartre que du clerc as,
\nQuar tu as fet trop vilain cas.<\/p>\n

SATHAN parole:<\/p>\n

Je la vous rande!
\nJ’aim miex assez que l’en me pende.
\nJ\u00e0 li rendi-je sa provande,
\nEt il me fist de lui offrande
\nSanz demorance
\nDe cors et d’ame et de sustance.<\/p>\n

NOSTRE DAME<\/p>\n

Et je te foulerai la pance.<\/p>\n

(Ici aporte Nostre-Dame la chartre \u00e0 Theophile:)<\/p>\n

Amis, ta chartre te r’aport.
\nArivez fusses \u00e0 mal port,
\nO\u00f9 il n’a solaz ne deport;
\nA moi entent:
\nVa \u00e0 l’evesque et plus n’atent;
\nDe la chartre li fai present,
\nEt qu’il la lise
\nDevant le pueple en sainte yglise,
\nQue bone gent n’en soit sorprise
\nPar tel barate.
\nTrop aime avoir qui si l’achate;
\nL’ame en est et honteuse et mate.<\/p>\n

THEOPHILES.<\/p>\n

Volontiers, Dame:
\nBien fusse mors de cors et d’ame;
\nSa paine pert qui ainsi same,
\nCe voi-je bien.<\/p>\n

(Ici vient Theophiles \u00e0 l’evesque, et li baille sa chartre, et dist:)<\/p>\n

Sire, oiez-moi, por Dieu merci!
\nQuoi que j’aie fet, or sui ci.
\nPar tens sauroiz
\nDe qoi j’ai moult est\u00e9 destroiz;
\nPovres et nus, maigres et froiz
\nFui par defaute.
\nAnemis, qui les bons assaute,
\nOt fet \u00e0 m’ame geter faute
\nDont mors estoie.
\nLa Dame qui les siens avoie
\nM’a desvoi\u00e9 de male voie
\nO\u00f9 avoiez
\nEstoie, et si forvoiez
\nQu’en enfer fusse confoiez
\nPar le deable;
\nQue Dieu, le pere esperitable,
\nEn toute ouvraingne charitable
\nLessier me fist.
\nMa chartre en ot de quanqu’il dist;
\nSeel\u00e9 fu quanqu’il requist:
\nMoult me greva,
\nPar poi li cuers ne me creva.
\nLa Virge la me raporta,
\nQu’\u00e0 Dieu est mere,
\nLa qui bont\u00e9 est pure et clere;
\nSi vous vueil proier, com mon pere,
\nQu’el soit l\u00e9ue,
\nQu’autre gent n’en soit dec\u00e9ue
\nQui n’ont encore aperc\u00e9ue
\nTel tricherie.<\/p>\n

(Ici list l’evesque la chartre, et dist:)<\/p>\n

Oiez, pour Dieu le filz Marie:
\nBone gent, si orrez la vie
\nDe Theophile
\nQui anemis servi de guile.
\nAusi voir comme est Evangile
\nEst ceste chose;
\nSi vous doit bien estre desclose.
\nOr escoutez que vous propose:<\/p>\n

\u00abA toz cels qui verront ceste lettre commune
\nFet Sathan asavoir que j\u00e0 torna fortune,
\nQue Theophiles ot \u00e0 l’evesque rancune,
\nNe li lessa l’evesque seignorie nesune.<\/p>\n

\u00abIl fu desesperez quant l’en li fist l’outrage;
\nA Salatin s’en vint qui ot el cors la rage,
\nEt dist qu’il li feroit moult volentiers hommage,
\nSe rendre li pooit s’onor et son domage.<\/p>\n

\u00abJe le guerroiai tant com mena sainte vie,
\nC’onques ne poi avoir desor lui seignorie.
\nQuant il me vint requerre, j’oi de lui grant envie;
\nEt lors me fist hommage, si r’ot sa seignorie.<\/p>\n

\u00abDe l’anel de son doit seela ceste lettre;
\nDe son sanc les escrist, autre enque n’i fist metre,
\nAins que je me vouisse de lui point entremetre
\nNe que je le f\u00e9isse en dignit\u00e9 remetre.\u00bb<\/p>\n

Issi ouvra icil preudom.
\nDelivr\u00e9 l’a tout \u00e0 bandon
\nLa Dieu ancele;
\nMarie, la virge pucele.
\nDelivr\u00e9 l’a de tel querele:
\nChantons tuit por ceste novele.
\nOr, levez sus;
\nDisons: Te Deum laudamus.<\/p>\n

EXPLICIT LE MIRACLE DE THEOPHILE<\/p>\n

\u00c9ditions Gentleman-Cambrioleur, <\/em>Collection de Textes Fran\u00e7ais.
\n<\/em><\/p>\n

Collection g\u00e9r\u00e9e par Jeffrey Graf \u00e0 Indiana University, Bloomington<\/em><\/p>\n